Ede Timoun yo Fè Fas ak Laperèz, Enkyetid, epi Strès

Updated: 12/19/2025
Kòm paran oswa moun k ap pran swen pitit ou, ou nan pi bon pozisyon pou ede l geri apre yon evènman ki pase, jere enkyetid li, epi ede l adapte ak yon nouvo anviwònman.
A mother comforting a crying child

Siy ki montre laperèz, enkyetid, ak estrès lakay timoun piti

Se yon bagay ki difisil anpil pou yon timoun piti chèche sekirite nan yon nouvo peyi. Timoun piti yo ka pa gen mo pou yo eksprime santiman yo, epi souvan emosyon yo parèt nan konpòtman yo. Men kèk siy anjeneral ki montre laperèz, enkyetid ak estrès lakay timoun piti:

  • Gen difikilte pou dòmi, tankou pwoblèm pou dòmi poukont yo, reveye souvan, fè move rèv, oswa pipi nan kabann
  • Retounen nan konpòtman oswa abitid li te genyen lè li te pi piti
  • Pè separe ak yon paran oswa yon moun k ap pran swen yo
  • Devlope nouvo laperèz oswa enkyetid, pa kapab kalme tèt yo apre yo fin fache
  • Santi doulè nan kò (mal vant, tèt fè mal, elatriye)

Ede Timoun Jere Strès

Antanke paran oswa moun k ap pran swen pitit ou a, ou nan pi bon pozisyon pou ede l geri apre evènman ki pase yo, jere enkyetid, epi adapte ak yon nouvo anviwònman. Men kèk fason ou ka ede pitit ou jere estrès:

  • Pase tan ansanm, kenbe yo, epi fè yo konnen ou la pou pwoteje yo.
  • Si w  oblije soti, di yo ki kote w prale ak ki lè w ap retounen. Kite yon bagay familye pou yo ki ka ede yo santi yo an sekirite.
  • Kenbe yo lwen imaj ak konvèsasyon ki ka pote  laperèz.
  • Etabli abitid  fiks, lè pou leve, manje, epi al dòmi.
  • Fè bagay familye avèk yo, tankou chante,  chante yo pi renmen oswa rakonte yon istwa espesyal.
  • Kite pitit ou a pale sou sa ki te rive l oswa santiman l jan l vle.
  • Si pitit ou a mal konpòte l, rekonèt santiman l epi montre l yon fason ki pi bon, ki pi pozitif pou l reyaji.
  • Lè pitit ou a gen konpòtman difisil, rete kalm. Sa ap ede kalme l epi fè l konnen li an sekirite avèk ou.  

Siy Konpòtman nan Timoun: Kilè pou chèche Sipò  

Pitit ou a bezwen tan pou l geri epi adapte. Sepandan, si w obsève konpòtman sa yo, kontakte doktè pitit ou a, pwofesè li, travayè sosyal li, oswa konseye li pou jwenn sipò:

  • Atitid oswa konpòtman pitit ou a pa amelyore oswa li vin pi mal.
  • Pitit ou ap plenyen anpil pou jan li santi kò l (maltèt, doulè vant, elatriye).
  • Pitit ou a pa ka fè yon bagay li te konn fè byen avan, oubyen ou trakase sou jan l ap grandi.
  • Pitit ou a pale de fè tèt li mal ak/oswa fè lòt moun mal, oswa li angaje l nan konpòtman danjere.
Was this article helpful?
0
0