Prepare yon Kit Ijans

Lè gen ijans tankou tanpèt oswa tranblemandtè, ou ka rete san kouran, san dlo, san manje, san transpòtasyon, epi san kominikasyon pandan plizyè jou oubyen menm plizyè semèn. Si w prepare yon kit ijans epi ou kenbe l yon kote ou ka jwenn fasil, sa ap ede w pare si nenpòt kalite ijans ta rive nan kominote w la. Men sa w ta dwe mete nan yon kit ijans debaz. Ou ka mete tout bagay sa yo nan yon bwat plastik solid ki fasil pou pote (oswa plizyè bwat): 

• Flach ak pil siplemantè 
• Manje ki pa gate fasil pou twa jou, tankou manje nan bwat oswa manje sèch. (Pa bliye chanje dlo ak manje yo chak sis mwa) 
• Dlo pou twa jou pou ou menm ak bèt ou yo (yo rekòmande yon galon dlo pa jou pou chak moun) 
• Si ou gen yon ti bebe, prepare fòmil oswa manje tibebe pou twa jou, kouchèt, twal mouye, ak lòt bagay enpòtan timoun ka bezwen 
• Chaje pano solè oswa yon batri pòtab pou telefòn/oswa pil rechajab ak chajè 
• Radyo pòtab ki mache ak pil epi pil siplemantè 
• Bwat premye swen ak liv enstriksyon 
• Medikaman enpòtan pou moun nan fanmi an 
• Kle pou ouvè bwat konsèv 
• Lajan kach (ti biyè pi bon) ak kat kredi 
• Soulye solid 
• Kopi dokiman pèsonèl enpòtan ou yo 
• Siflèt 
• Kouto pòch ak kouvè ou ka lave pou itilize ankò 
• Alimèt nan yon veso ki pa kite dlo antre 
• Lenn oswa kouvèti 
• Rad cho 
• Prela plastik pou pwoteje kont lapli