Kijan Pou Pwoteje Tèt ou sou Rezo Sosyo

Medya sosyal se yon zouti pwisan ki ka itil oswa fè mal. Jere fason ou menm ak fanmi w itilize medya sosyal ede pwoteje w kont danje pandan l ap pèmèt ou rete konekte epi kontwole enfòmasyon prive ou yo. Men kèk konsèy pou jere kont medya sosyal ou yo epi pwoteje tèt ou: 

Kenbe Kont Ou Prive – Mete tout paramèt medya sosyal ou yo sou “prive” pou kontwole ki moun ki ka wè pòs ou yo ak enfòmasyon pèsonèl ou. Asire w kamera, mikwofòn, kote ou ye, ak senkronizasyon kontak yo sou “dezaktive”. Revize paramèt konfidansyalite ou regilyèman. 

Pwoteje Kont Ou ak Modpas Solid – Chwazi modpas ki long, solid, ak inik pou chak kont ou. Sa ap ede w evite yo pirate w. Si yo ta pran youn nan kont ou, rès yo ap rete an sekirite. Ou ka sèvi ak yon jesyonè modpas pou ede w kreye epi jere modpas solid yo. 

Reflechi Anvan ou Pataje – Menm jan ou pa bay enfòmasyon pèsonèl bay moun ou pa konnen, fè atansyon ak sa ou mete sou entènèt. Pa janm pataje enfòmasyon sansib, tankou adrès lakay, nimewo sekirite sosyal, oswa enfòmasyon bankè sou medya sosyal. 

Fè Atansyon ak Demann Zanmi – Pa aksepte demann zanmi oswa pale ak moun ou pa konnen sou entènèt. 

Limite Tan sou Rezo Sosyal yo – Mete yon limit sou kantite èdtan ou pase sou rezo sosyal chak jou. Evite itilize telefòn oswa entènèt omwen yon èdtan anvan ou dòmi pou ede w dòmi pi byen. Rete lwen sit oswa kontni ki gen imaj grafik, vyolan, oswa deregle. 

Ki Jan pou Pwoteje Pitit Ou yo sou Entènèt – Si pitit ou yo gen yon telefòn entelijan oswa itilize medya sosyal, ou pral vle fè kèk bagay pou yo an sekirite epi pwoteje:  

• Pale ak yo sou risk ki genyen lè y ap itilize rezo sosyal, epi esplike yo sa pou yo veye. 

• Enstale aplikasyon kontwòl paran sou aparèy yo pou bloke sit ki pa apwopriye. 

• Mete kont yo sou “prive” epi dezaktive lokalizasyon. 

• Asire w ou gen aksè ak modpas yo; eksplike yo ke telefòn entelijan ak medya sosyal se yon privilèj, epi sipèvizyon obligatwa. 

• Mete yon limit tan pou itilizasyon aparèy yo chak jou. 

• Fè yo itilize telefòn oswa tablèt nan zòn tout moun itilize nan kay la, kote ou ka kontwole sa y ap fè. 

Pou aprann plis sou kijan medya sosyal yo ka afekte sante mantal ou, li atik Sant Èd sa a: Kijan Medya Sosyal yo Ka Afekte Sante Mantal Ou