​​Kisa Pou w Fè si Lapolis Kanpe w nan Machin ou

​Lè yon polisye  kanpe w pandan w ap kondui yon machin, sa ka yon evènman ki bay strès. Pou fè arè trafik la pi an sekirite epi byen pase pou ou menm ak polisye a , swiv konsèy enpòtan sa yo:   

• ​Pake nan yon kote ki an sekirite pi vit posib. 
• ​Kenbe senti sekirite ou tache. 
• ​Se pou ou koutwa. Respè mityèl ant ofisye a ak chofè a espere epi ankouraje.Kenbe lisans ou, kat asirans ou, ak plak machin ou nan yon kote ou ka jwenn aksè fasilman 
• ​Bese mizik ou 
• ​Si ou kanpe lannwit, limen limyè plafon an ak/oswa limyè enteryè yo. Sa ap ogmante vizibilite andedan machin ou an pou ofisye a ap mwens enkyete sou sa li pa ka wè.  
• ​Desann vit machin nan.  
• ​Kenbe men ou vizib, de preferans sou volan an. 
• ​Pa fè mouvman toudenkou, sitou si mouvman yo enplike rive nan zòn ki pa vizib pou ofisye a. Si ou oblije rive pran yon bagay, tann ofisye a vin nan machin ou epi di ofisye a sa ou gen plan fè anvan ou fè li.  
• ​Rete kalm epi kominike avèk ofisye a. Pa diskite avèk ofisye a. 

​Ou pa gen pwoblèm pou di ou pa konprann. Ou gen dwa legalman pou gen yon entèprèt. Si yo akize w de vyolasyon yon lalwa epi yo arete w, ou gen dwa rete an silans epi pale ak yon avoka anvan yo poze w kesyon. Si ou pa gen mwayen pou peye yon avoka, tribinal la ap peye youn pou reprezante w. 

​Enprime kat sa a epi pote l avèk ou pou ede w kominike avèk lapolis. Asire w ou mande anvan epi resevwa pèmisyon anvan ou pran kat sa a.