Konprann Sistèm Lojman Ozetazini

Si w pa kapab jwenn lojman ki abòdab kote w rete a, gouvènman ameriken an gen pwogram pou ede fanmi ki pa gen gwo revni: 

• Lojman pou Tout Nivo Revni gen ladan bilding apatman ki gen kèk apatman nan pri nòmal mache a ansanm ak kèk apatman rezève pou lokatè ki gen revni kay ki pi ba pase mwayèn zòn nan. Kalite lojman sa a limite epi li pa disponib nan tout vil oswa bouk.
• Lojman Piblik  se lojman abòdab gouvènman federal ak lokal bati epi sipòte. Nan lojman piblik, lwaye a baze sou yon pousantaj fiks revni kay la. Kalite lojman sa a limite epi anjeneral gen yon lis datant.
• Pwogram Koupon Chwa Lojman  kèk moun rele lojman Seksyon 8, gouvènman federal Etazini sibvansyone li tou. Gouvènman an peye pwopriyetè kay la pou kenbe lojman an nan yon pri moun kapab peye. Lojman sa a limite pou moun, tankou refijye ak nouvo imigran, ki aplike epi ki kalifye pou lwaye  ki ka jwenn sibvansyon. 

Pou aprann plis sou pwogram lokasyon gouvènman sa yo epi pou wè ki opsyon lojman ou kapab peye ki disponib pou ou, tanpri ale sou: https://www.hud.gov/states . 

Nou rekòmande pou ou rete nan lojman ou lwe a pandan 6 a 12 mwa pou montre ou gen yon bon istwa pèman lwaye. Istwa pèman lwaye w pral ede w lè w ap chèche yon nouvo kote pou rete epi montre pwopriyetè kay yo, ou se yon lokatè serye. 

Si w ap panse deplase nan yon lòt kote, men kèk bagay pou sonje: 

Kanpe Kontra Lwaye Ou 

lwe kay nan men yon pwopriyetè, ou dwe fè atansyon anvan ou kanpe kontra lwaye w la. Kontra a presize konbyen tan ou kapab rete nan apatman an. Nan pifò ka, se yon ane. Si w deplase anvan dat kontra a fini, ou pral oblije peye yon penalite, oswa menm peye tout mwa ki rete nan kontra a. 

Kontra lwaye ou a ap tou presize konbyen tan davans ou dwe avèti pwopriyetè a si w prevwa deplase oswa si ou vle renouvle kontra a. Sa rele avi pou kite kay la (notice to vacate). Nan pifò ka, ou dwe bay avi 30 a 90 jou anvan dat renouvleman kontra a oswa dat ou pral deplase a. 

Si w ap planifye deplase, tcheke kontra a epi pale ak pwopriyetè a pou konprann sa k ap pase si ou kase kontra w la anvan lè.

Ranpli Fòm AR-11 W la 

Ou oblije avèti Sèvis Sitwayènte ak Imigrasyon Etazini (USCIS) chak fwa w chanje adrès, nan 10 jou, menm si w ap deplase tanporè. Ou bezwen bay USCIS nouvo adrès ou a tou, w ap ranpli yon fòm ki rele AR-11. Sa ede yo konnen ki kote ou ye. 

Aplike pou Sèvis ak Benefis 

Li enpòtan anpil pou konprann, deplase kapab chanje sipò w resevwa nan sèvis lokal yo, tankou asistans manje oswa swen sante. Ou ka bezwen aplike pou sa yo ankò nan nouvo kominote w la, epi sèvis ou resevwa yo kapab diferan.