د کور ګرمول او انرژي سپما کول

په متحده ایالاتو کې د کور ګرمول ګران دي او د بېل ورکولو مسؤلیت یې د تړون له مخی  اداء کېږي چې ډیر کله د کرایه دار په غاړه وي. که چېری تاسې په داسې ځای کې ژوند کوئ چې هوا یې سړه وي، یا په ځانګړي ډول ژمی یې سوړ وي نو ستاسې د میاشتنۍ تودوخې بلونه به خورا لوړ وي. له همدې امله تاسې باید انرژي لږ مصرف او د پیسو سپما کولو پلان ولرئ او هم خپل کور په معتدله تودوخه کې وساتئ.  

 کله چې تاسې په کور کې غاز استعمال کړئ نو د هغې بېل به د برېښنا له بېل څخه جلا تر لاسه کړئ. که چېری مو کور دنفتو یا غاز په واسطه ګرموئ نو د مصرف مسؤلیت به ستاسې په غاړه وي یعنې په دې معنی چې د غاز او تېلو ډبه به په خپله اخلئ یا به یې هم په خپله ډکوئ. د غازو په هره ډبه یوه نښه وي چې کله غاز پکې کم وي نو هغه نښه څرګندېږي. تاسې په دې اړه باید د کور څښتن یا د کرایې دفتر څخه لارښوونې تر لاسه کړئ.  

 په کور دننه مو د معتدلې تودوخې درجه تنظیمول 

 د یخو میاشتو پر مهال د انرژي او پیسو سپمولو لپاره تر ټولو غوره لاره دا ده چې که په کور کې مو ترموسټاټ ولرئ نو په ښه ډول یې وکاروئ. ترموسټاټ یو کوچنۍ بکس ته ورته ماشین دی چې په دیوال کې نصب وي او په اوتومات ډول په کور کې تودوخه فعالوي او بندوي یې تر څو ستاسې کور په هغه حرارت کې وساتي چې تاسې تنظیم کړی. ډیرۍ ترموسټاټونه په اتوماتیک ډول ټیټه تودوخه کې ساتل یا تل یې تنظیمول د کور لپاره ډیرې پیسې سپما کولاي شي.  

 کله چې په کور کې یاست نو د کور ترموسټاټ مو په ۶۸° فارنهایټ (۲۰ سانتیګراد) کې وساتئ. که تاسې ته معلومه شي چې د تودوخې بیل مو خورا لوړ دی نو نور یې هم کښتنه کړئ او ګرم کالي واغوندئ. په دې سره کولای شئ چې ۳ سلنه انرژی وسپموئ او بیل مو کم شي. کله چې ویده کېږئ نو ترموسټاټ مو ۶۲ فارنهایت ته کښته کړئ او داسې یې تنظیم کړئ چې د کورنۍ له ویښیدو یو نیم ساعت د مخه بیرته ۶۸ فارنهایټ  (۱۷ سانتیګراد) ته مو د کور تودوخه بدله شي. کله چې تاسې کار ته ځئ او کوچنیان مو مکتب ته ځي نو ترموسټاټ مو ۶۲ فارهنایټ (۱۷ سانتیګراد) درجو ته واړوئ او له راتګ څخه د مخه یې بیرته ۶۸ فارنهایټ (۲۰ سانتیګراد) درجو ته تنظیم کړئ. 

هم: هیڅکله په ژمي کې د کور تودوخه په بشپړ ډول مه بندوئ. که تاسې ولاړ شئ نو د ۵۵ او ۶۰ فارنهایټ (۱۳-۱۵ سانتیګراد) درجو په منځ کې یې تنظیم کړئ. که تاسې د کور ګرمولو سیسټم بند کړئ نو ستاسې د کور پایپیونه به کنګل او مات به شي او تاسې به د نل دوانۍ او کور کې د اوبو له امله د زیانونو مسؤل یاست چې کېدای شي په زرګونو ډالر وي.  

 ځینې د کرایي کورونه د خونو په دیوالونو کې ځانګړي بریښنایي هیټرونه لري. دا هیټرونه په هغه کوټو کې چې نه یې کاروئ بند کړئ او یواځې په پخلنځئ او تشنابونو کې مه بندوئ تر څو پایپونه مو د یخنۍ له امله د ماتیدو وژغوري. 

که چېری تاسې د اضافي تودوخې لپاره ګرځنده بریښنایي بخارۍ کاروئ نو لاندې لارښوونې عملي کړئ:

•  که په کور کې نه یاست نو هیڅکله یې چالان مه پریږدئ.  

• اضافي اوږد مزی مه استعمالوئ. 

• کله چې یې نه کاروئ نو د برق څخه یې لیري کړئ. 

• هغه توکې چې لمبه کوي د بخارۍ څخه لیري وساتئ لکه جامې، کاغذ، یا فرنیچر چې لږ تر لږه باید درې فټه لیري وساتل شي.  

 په یاد ولرئ چې د ګرځنده بریښنایي هیټرونه ډیره انرژي کاروي. یواځې د اړتیا پر مهال یې وکاروئ.